विश्वका अनौंठा मान्छे (फोटो फिचर)

जन्मका हिसाबले प्राकृतिक रुपमा, शोख र स्वभावका दृष्टिले विश्वमा अनौठा मानिसहरु पाइन्छन् । तिनीहरु अधिकांश गिनीज बुकमा दर्ता भएका छन् । हेर्नुहोस् विश्वका अनौठा मानिस :

पातलो कम्मर : 

क्याथि जंग नामकी महिलाको कम्मर विश्वकै सबैभन्दा पातलो मानिएको छ । उनको कम्मरको नाप ३८ सेमि रहेको छ ।

लामो खुट्टा :

रुसकी स्भेत्लाना पांक्रातोभाको खुट्टा विश्वकै सबैभन्दा लामो खुट्टाको रुपमा गिनिज बुकमा दर्ता भएको छ । उनको खुट्टाको लम्बाईमात्र ४ फिट ४ इन्च छ ।

लामो नङ : 

अमेरिकाको उटहकी ली रेडमोन्ड नाम गरेकी महिलाको नङ सबैभन्दा लामो थियो । सन् १९७९ देखि पाल्न थालेकी उनको औंलाका नङको लम्बाई २८ फिट ४.५ इन्च थियो । तर, २००९ मा कार दुर्घटनामा उनले सबै नङ गुमाईन् ।

खुट्टा र हातका धेरै औंला : 

भारतका प्राणायम मेनरिया र देवेन्द्र हर्ने विश्वकै सबैभन्दा धेरैं औंला भएका व्यक्तिको रुपमा रेकर्ड बनाएका छन् । उनीहरुको हातका १२ औंला र खुट्टाका १३ औंला छन् ।

लामो जिब्रो : 

जर्मनकी स्कुले विद्यार्थी अन्निका इरम्लरको जिब्रो सबैभन्दा लामो जिब्रोको रुपमा गिनिज बुकमा दर्ता भएको छ । १२ वर्षीय उनको जिब्रोको लम्बाई ७ सेन्टिमिटर छ ।

लामो नाक : 

टर्कीका मेहमत ओजुरेकको नाक सबैभन्दा लामो रहेको छ । सन् २००७ मा गिनिज बुकमा दर्ता हुँदा उनको नाक ८.८ सेमि लामो थियो ।

महिलाको लामो दाह्री : 

अमेरिकाको इलिनोइसकी भिभियान ह्विलरको दारी २७.९ सेमि रहेको छ । ७ वर्षको उमेरदेखि उनले दाह्री काटेकी छैनन् ।

कानको लामो रौंः

भारतका राधाकान्त बाजपेयीको कानको रौं सबैभन्दा लामो छ । त्यसको लम्बाई सन् २००३ मा १३.२ थियो । अहिले त्यो लम्बाई २५ सेमि पुगेको छ ।

लामो औंलाः

चीनका लुई हुवा नाम गरेका व्यक्तिको देब्रे बुढिऔंलाको लम्बाई १०.२ इन्च थियो । सन् २००७ मा उनको अपरेशन हुँदा २० सर्जनलाई ७ घण्टा लागेको थियो ।

-Source: swasthyakhabar.com