‘आतंकवादी’ र भारतीय सैनिकबीच गोली हानाहान, ११ जना मारिए

तस्वीरः एजेन्सी

काठमाडौं, मंसिर १२ । भारतको जम्मु–कश्मीरमा ‘आतंकवादी’ र भारतीय सैनिकबीच गोली हानाहान हुँदा ११ जना मारिएका छन् । जम्मुको अरनिया सेक्टरमा विहीबार भएको गोली हानाहानमा उनीहरु मारिएका हुन् ।

अरनियाको बंकरभित्र रहेका ‘आतंकवादी’ले सेनामाथि गोली चलाएपछि भिडन्त भएको हो । मारिनेमा ४ जना ‘आतंकवादी’, ४ जना सर्वसाधारण र ३ जना सुरक्षाकर्मी रहेका छन् ।

भारतमा विधानसभाको चुनाव प्रचारप्रसारका लागि भारतीय प्रधानमन्त्री नरेन्द्र मोदी जम्मु–कश्मीरको उधमपुर पुग्ने कार्यक्रम तय भएकै बेला मूठभेड भएको जनाइएको छ । (एजेन्सी) -Source: http://imagekhabar.com